Innrita

Vit heiðra Elvis í Norðurlandahúsinum

Heimatíðindi

Vit heiðra Elvis í Norðurlandahúsinum

Innlagt av Redaktiónini    tann: 17.08.2017  



Tónleikur

Í gjár vóru 40 ár síðan Elvis doyði. Leygarkvøldið heiðrar Norðurlandahúsið konginum við eini konsert við svenska bólkinum Fröken Elvis. 

Tær minna ikki sørt um 5 ferðir Pippi, tá tær púra ekkaleysar framføra ódeyðilig Elvis-løg á svenskum.

Úrslitið er bergtakandi, tí tær syngja sum einglar og tað tykist eingin endi vera á øllum ljóðførunum, ið tær meistra sum álvar. Ramur gandur.

Tær bjóða eina ferð kring alt kenslusavnið. Sorg, gleði, ovfarakæti, djúpa eyðmýkd – og húðleysa erliga framført.

Konsertin við Fröken Elvis er partur av norðurlendska tónleikaátakinum hjá Norðurlendska Mentanargrunninum: Puls, ið stuðlar live tónleiki í Norðurlondum. 

Konsertin er leygarkvøldið 19. august kl. 19.30.

© Sandportal - Sandoyarportalurin
Aftur