Innrita

Tónlist aftur á pall

Heimatíðindi

Tónlist aftur á pall

Innlagt av Redaktiónini    tann: 24.05.2017  



Tónleikur

Kendi tónleikabólkurin fer at spæla á Seniorfestivalinum.

Kendi gamli tónleikabólkurin Tónlist fer nú aftur á pall. Tað hendir á Seniorfestivalinum í Runavík, leygardagin tann 3. juni.

Tónlist var ein tónleikabólkur av Strondum, sum varð sera virkin fyrst í 80-árunum, tó spældi bólkurin av og á alment til 1995. Hann spældi mest føroyskar sjómansrímur og sangir úr Songbók Føroya fólks.

Áðrenn jól 1981 útgav bólkurin kasettuband við heitinum “Har bylgjan leikar”. Sølan setti met við 6.000 seldum eintøkum. Fleiri av sangunum gjørdust hitt og vóru ofta at hoyra í Útvarpinum.

Tríggir av teim 4, sum tá mannaðu bólkin verða við, nevniliga Andras Danielsen, Poul Jacobsen og Hans Nielsen. Regin Johansen, sum var hin fjórði, andaðist í 1998.

Kelda: r7.fo

© Sandportal - Sandoyarportalurin
Aftur