Innrita

Svenskur jazzur og poppur

Heimatíðindi

Svenskur jazzur og poppur

Innlagt av Redaktiónini    tann: 20.08.2017  



Tónleikur

Konsert við VOICE & CELLO Katarina & Svante og Svante Henryson kvartett,  sunnudagin 24. september 2017, kl. 16.00

VOICE & CELLO Katarina & Svante

Duoin byrjaði sum ein familjufyritøka. Til dópir og brúdleyp. Til føðingardagar og jarðarferðir. Støð har familjur koma saman og tónleikur er í mipunktinum. Har vóru eisini tvær aðrar týdningarmiklar orsøkir til at tey einans spældu saman til á tílíkum løtum. Við tveimum smáum børnum kundu tey ikki fara á konsertferð saman - onkur mátti vera heima og ansa børnunum.  

So duo repertoirið varks úr ongum til at tey góvu eina fløgu út í oktober 2015 - í takt við at børnini eru vorðin vaksin. 

Fyrsti sangurin, tey spældu saman var Eyes of a Child - ein sangur, sum tey eisini skrivaðu saman. Tað var á sumri 1999, tá tey júst høvdu fingið sítt fyrsta barn, sonin Joel. Til navna-hátíðarløtuna hjá dóttrini Siri í 2000 framførdu tey "performed ”Det växer från Edens tider”. Tá vinmaður Svante, klarinettleikarin Martin Fröst giftist framførdu tey "Kiss" hjá Prince í eini kirkju og tá ein annar vinmaður, klaverleikarin Pöntinen, helt føðingardag, sundu tey "We Walk in a fog". Hendan framførslan hevði við sær at tey fingu møguleikan at spæla fløguna inn í 2015

KATARINA HENRYSON, sangari og ein av stovnarunum av The Real Group
SVANTE HENRYSON, selloleokari, multi-instrumentalistur, tónaskald

Svante Henryson 

Svante Henryson vaks upp í Umeå, har hann byrjaði tónleikaleiðina sum el- og kontrabasist innan rokk og jazz. Eftir at hann hevði lisið m.a. á Tónlistaháskúlanum í Prag, fekk hann sum yngsti perósnur nakrantíð starv sum solo-bassistur í Oslo Filharmoniini. 
Eftir hetta hendi ein tónlistarlig kúvending og hann flutti til USA fyri at blíva elbasistur í einum heimskendur orkestri, sum spældi harðan rokk. Á teimum mongu og longu konsertferðunum lærdi hann seg enn eitt ljóðføri - sellona. Sermerkti spælistílurin hjá honum flytir mørk í bæði klangi, teknikki og ikki minst í mun til tónleikasløgini, hann spælir. 

Við sínum trimum ljóðførum flytir Svante set ótálmaður runt í einum óvanliga stórum tónlistarligum spektrumi. Imponerandi listin av kendum samstarvsfelagum hansara innan alskyns sjengrur er vitni um hetta.

Svante Henryson er limur í Kungliga Musikaliska Akademien, og listarligur leiðari fyri Umeå Kammarmusikfestival.
Í 2014 varð hann kosin at vera ársins tónleikari av P2:s Jazzkatten og í 2015 fekk hann Tónlistavirðisløn Norðurlandaráðsins. 

© Sandportal - Sandoyarportalurin
Aftur