Innrita

Proffesionel sangfrálæra í september mánað

Heimatíðindi

Proffesionel sangfrálæra í september mánað

Innlagt av Redaktiónini    tann: 03.08.2017  



Tónleikur

Komandi septembermánað eru tvær vikur settar til professionella sangfrálæru. Hetta verður frá 12. til 23. september.

Undirvíst verður í Skálanum í Klaksvík og tilmeldingin er latin upp.

Tað verða bæði einstaklingatímar og møguleiki hjá kóri at koma við eini tilmelding og eisini fyri kórleiðarar. 

Sanglærari verður operasangarinnan, Elsa Wage, úr Íslandi, sum hevur framført á pallum umframt í Íslandi eisini í Meksiko, Týsklandi, Sveits, Italiu, USA, Eysturríki, Danmark og Svøríki. 

Saman við Elsu verður ungverska pianistinnan, Antonia Hevesi. Hon er útbúgvin á Tónlistaakademiinum í Budapest við MA í kórleiðslu. Hevur hildið fjøldir av konsertum á orguli og hevur verið pianoundirleikari í londum sum Ungarn, Eysturríki, Svøríki, Finlandi, Fraklandi, Spaniu, Canada og Bretlandi. Eisini er hon venjingarpianistur hjá íslendsku Operuni. 

Tey sum skipa fyri hesum vikunum eru Klaksvíkar Tónlistaskúli, Klaksvíkar Kvøldskúli, Jóhanna Johannessen, kórleiðari og organistur í Christianskirkjuni og Jógvan við Keldu, kórleiðari hjá 17 Sangarum.

Tilmeldingin kann fara fram longu nú -  hjá Klaksvíkar kvøldskúla:
á kks.fo

Nakrar upplýsingar – fakta – um hesar báðar:
Elsa Waage, er ættað úr Íslandi, hevur fingið útbúgving í sangi á Reykjavíkar konservatorium. Seinni í Týsklandi, Hálandi og fekk Bachelor í tónleiki í USA. Hon búði í New York í nøkur ár, har hon m.a. var limur í New Jersey Opera Institute. Eisini var hon búsett í Italiu í fleiri ár. 

Antonia Hevesi, ungversk pianistinna, fekk prógv á F. Liszt Tónlistaakademiinum í Budapest m.a. í kórleiðslu og sum framhaldsskúlalærari í sangi og ljóðfrøði. Varð so útbúgvin í orgulspæli í Graz í Eysturríki hjá org. Prof. Otto Bruckner. Hon hevur tikið lut í Marsterclass námskeiðinum m.a. í pianotónleiki hjá Dalton Baldwin og sangi hjá Lorraine Nubar og Oliveru Milljakovic. Eisini hevur hon spælt inn á fløgu.
© Sandportal - Sandoyarportalurin
Aftur