Innrita

Guds hyggjuráð móti strongd

Heimatíðindi

Guds hyggjuráð móti strongd

Innlagt av Redaktiónini    tann: 18.11.2017  



Átrúnaður

- Kastið alla sorg tykkara á hann, tí at hann hevur umsorgan fyri tykkum.” 1. Pæt. 5,7

Kennir tú teg strongdan? Ert tú umgirdur av trupulleikum? Um tað er so, vil Gud seta teg í frælsi. Les hesi skriftstøð uttan at skunda tær og undir bøn:
“Eg søki skjól undir skugga veingja tína, til ólukkan er av.” Sál. 57,2 – “Tú varðst vørn (vernd) hjá tí vesæla (veika) og hjálp hins fátæka í neyð hans; lívd móti regni og skuggi móti hita.” Jes. 25,4 – “Eg eri við tær og skal varðveita teg allar staðir, hvar ið tú fert ... tí at ikki vil eg fara frá tær, men evna alt tað, sum eg havi lovað tær.” 1. Mós. 28,15 – “Bústaður er hin ævigi Gud, og her niðri eru hinir ævigu armar.” 5. Mós 33,27 – “Óttast ikki! Eg eri við tær! Ver ikki mótfallin! Eg eri Gud tín! Eg styrki teg og hjálpi tær og haldi tær uppi við høgru hond rættvísi Mínar!” Jes. 41,10 V.D. – “Alt at ellisárum eri eg hin sami; eg beri tykkum, til hárini á tykkum grána; eg lyfti og fari undir tykkum, eg beri og bjargi tykkum.” Jes. 46,4

Her er altso Guds uppskrift uppá at linna strongd: Tú skalt líta á, at Gud trúfastur tekur sær av tær. Tak eina tilætlaða avgerð, at tú vilt kasta alla sorg og allan trega yvir á hann. Bið Gud geva tær vísdóm at broyta tína tíðarætlan, um tú ert ovbyrjaður. Gev honum teir trupulleikar, sum tú stendur yvirfyri, um teir eru ov stórir at basa einsamallur – og tak teir ikki við tær aftur. Lat Gud hugsa sínar tankar ígjøgnum teg, og gev hansara friði, styrki og toli loyvi at broyta títt sinni. Ven teg at gera hetta frá morgunstundini av og so ofta, sum tær tørvar tað gjøgnum dagin.

Hetta eru Guds hyggjuráð móti strongd!

“... et Ord til Dagen”

Effie Campbell umsetti.
© Sandportal - Sandoyarportalurin
Aftur