Innrita

Gerhard spyr Henrik Old um Teistan

Heimatíðindi

Gerhard spyr Henrik Old um Teistan

Innlagt av Redaktiónini    tann: 20.10.2017  



Politikkur, Heimatíðindi

Spyrjari:Gerhard Lognberg
Svarari:Henrik Old
Spurningur:


      Á tingfundi 18. oktober 2017 boðaði tingformaðurin frá omanfyrinevnda fyrispurningi, sum er soljóðandi:

1. Hvat ætlar landsstýrismaðurin at gera fyri at tryggja Teistanum eitt avloyaraskip, um skipið fær trupulleikar?


2.      Hvørjir eru møguleikarnir at fáa eitt skip, sum kann sigla fast saman við Teistanum?




Viðmerkingar
Síðsta ár vórðu 183.000 fólk førd um Skopunarfjørð.


Sum kunnugt kann Teistin roknast sum okkara landsvegur, so leingi ikki er koyrandi millum Sandoynna og meginøkið.


Sandoyingar føla seg alt annað enn trygg við støðuna við Teistanum.


Tann 28. september í ár hevði Teistin tekniskt brek, sum so ofta áður, á fyrsta túrinum á morgni. Hetta førdi við sær, at eingin sigling varð, fyrr enn út á dagin.


Sandoyggin hevur eitt vinnulív á oynni. Eitt nú flakavirki, sum fær rávøruna flutta við trailara til oynna. Og ikki at gloyma ungdómin, sum skal í skúla, og arbeiðsfólk, sum skal um fjørðin.


Tað, sum ørkymlar allarmest er, at sum skilst, so eiga vit einki skip, sum kann avloysa Teistan.


Upplýst er, at tað er ein avtala gjørd, sum teir kalla Stokkhólmsavtalan, har økini eru býtt upp í a, b og c øki.


Skopurnarfjørður er flokkaður í c-økið, sum setir harðastu krøvini. Sostatt kann Ternan ikki avloysa Teistan.


Um hetta er rætt, ið ført er fram, er eingin ivi um, at so kann Sandoyggin skjótt koma í eina torføra støðu við ongum avloysaraskipi.


Eitt skip eigur sum skjótast at útvegast, sum kann sigla saman við Teistanum.


Hetta sama varð gjørt áðrenn Vágatunnilin og Norðoyatunnilin, og tað var ein góð loysn.


Sandoyggin er munandi verri fyri, hvat samferðslu viðvíkir.


Tað er ov seint at taka henda spurningin um avloysaraskip upp, tá trupulleikin er íkomin.


Tað kostar at útvega eitt avloysaraskip, men tað er neyðugt.


Teistin klárar ikki flutningin av bilum. Tað er nakað, øll Føroyafólk vita av, ella rættari øll, sum hava nýtt hesa farleið.


 Á tingfundi 19. oktober 2017 varð uttan atkvøðugreiðslu samtykt, at fyrispurningurin skal svarast.

© Sandportal - Sandoyarportalurin
Aftur