Innrita

Elinborg útgávukonsert & LYON

Heimatíðindi

Elinborg útgávukonsert & LYON

Innlagt av Redaktiónini    tann: 17.08.2017  



Tónleikur

***Leygarkvøldið 19. Aug. kl. 20.30 í Tøting***

Tónleikasamtakið Grót presenterar lokalu Elinborg og Lyon í Tøting.

Elinborg:
Leingi hevur verið samskifti við songkvinnuna úr Gøtu, um eina útgávukonsert í Tøting, og nú hava vit loksins sett konsertina á skrá.

Tíðliga í ár gav Elinborg út EP´ina "Landið Sum Ongin Sær", ið rúmar 4 løgum. Eftir ætlan skuldu útgávukonsert verða í Tøting fyrr í ár, men at tí at Elinborg hevur fingið snikkað saman ein nýggjan bólk, var konsertin nakað seinkað.

Tað er nú heldur ikki hissini bólkur, ið songkvinnan hevur aftanfyri seg í dag. Manning hennara er Per I. Hæjgaard Petersen, Allan Tausen og Hans Marius Ziska. Høgni Lisberg, Allan Tausen og Hans Marius Ziska hava framleittútgávuna í felag. Tekstirnir eru á føroyskum, og Elinborg er sjálv høvundur.

Lyon:
Gøtumaðurin Lyon, ið er búðsitandi í Onglandi, er komin heim á klettarnar í summarferiu. Men hann letur tó sanniliga hoyra frá sær av pallinum, har hann ímillum annað spældi eina av bestu konsertinum á ársins G! Festivali. Vit fara her at lata greinina og ummæli bjá Birgir Kruse tala fyri seg:

Lyon er stjørnan!
Í fjósinum hjá Per bonda í Syðrugøtu hoyrdi eg Lyon hjá Jóannes hjá Jakku hjá Marsannu úr Gøtugjógv. Hyggi upp undir loftið, innan ljóssjovið tekur yvir.

Jú, hetta er aðalkjarnin í G! Staðbundin autentisitetur. Á einum óvæntaðum stað, at lata upp fyri tí ekseptionelt góða, sum fer út í hvønn krók í Gøtu, upp eftir Eggini, Støðlafjalli og røðunum út eftir allari víkini, og so surfandi innanftur við flóðini.

Fjósið, har eg billi mær inn at lukta autentiskt súrhoyggj eina lítla løtu - men kanska vóru tað bara ímyndingarevnini eitt fríggjakvøld - verður til eitt svart vekingarmøti í amerikansku suðurstatunum, lameterandi á klaverið, sum Kurt Weill fyri kríggið í dekadenta Berlin, og hov, var tað nú Tom Waits, ið varð vundin gjøgnum mikrofonina, jú gussdoy, og so reisir hann seg upp, og so er hann Son of Schmilsson, Harry Nillsson, í fullum figuri, leikandi, lameterandi sum eitt gosfjall.

Við hvassa rumble-surf gittaranum fer hann longur en Duane Eddy, ja heilt til amerikanska indianaran Link Wray, sum eitt skifti surfaði á norðursælendsku sandheygunum. So fer hann á knæ og eg ivist í um tað aftur er vekingarmøti í Gøtu, men tað verður til eitt Jimi Hendrix lick at kyssa gittaran og spæla við tonnunum.

Sjovið hjá Lyon er so sterkt, sannførandi og fjøltáttað, at eg eri málleysur. Soleiðis er ein góð konsert. Eg yvirgevi meg so púrasta. Hetta var alt, ið eitt gittar- og klaver sentrerað sjov kann bjóða uppá. Ríkt, egið og gleðiligt. Takk!

Sitat:
http://birkblog.blogspot.com/2017/07/lyon-er-stjrnan.html

Atgongumerki kunna keypast í forsølu her:
https://gfestival.fo/products
Ella við dyrnar frá kl. 20.00

Kostanður 150 kr., tó bert 100 kr. fyri limir í Tónleikasamtakinum Grót.

Vit gleða okkum at síggja teg og hoyra góðan tónleik!

© Sandportal - Sandoyarportalurin
Aftur