Innrita

Atletico Madrid-venjari heldur skeið í Føroyum

Heimatíðindi

Atletico Madrid-venjari heldur skeið í Føroyum

Innlagt av Redaktiónini    tann: 14.02.2018  



Onnur Tíðindi

Tit kunnu gleða tykkum til at hoyra Carlos García Cuesta leggja fram og at síggja hann venja við ungdómi, sigur norski leikarin og venjarin Ståle Steen Sæthre

Sunnudagin 25. februar fer Atlético Madrid-venjarin Carlos García Cuesta at halda skeið um menning av ung­dóms­leikarum, frá U13 til U18. Hann fer at leggja fram sponsku uppfatanina av fótbóltsspælinum og tosa um, hvussu tað fyri hansara viðkomandi sæst aftur í, hvussu venjing við ungum leikarum verður løgd til rættis.


Venja teknikk og positiónsspæl frá fyrsta degi

– Í Spania leggja vit serliga stóran dent á tekniskan førleika og positiónsspæl, og tað verður vant frá fyrsta degi, sigur Carlos García Cuesta. Hetta er helst eisini ein høvuðsorsøk til, at Spania kann vera í heimselituni við lutfals­liga smáum leikarum.


Carlos García Cuesta fer tískil eisini  at koma inn á fyribrigdið, sum rópast ‘the Relative Age Effect’ (RAE), t.v.s. hetta at evnagóðir spælarar, sum eru smáiir eftir sínum aldri (oftast føddir seint upp á árið), gevast, tí teir ikki sleppa á besta liðið ella fáa lítla spælitíð. Hvussu slepst undan fráfalli í størst møguligan mun?


Eftir framløguna hjá Carlos García Cuesta verður farið út á vøllin, har hann vísir tilgongdina í verki. Hetta verður gjørt í dialogi við skeiðs­luttakararnar, sum eftir venjingarnar fáa høvi at gera viðmerkingar, seta spurningar og diskutera tað, teir hava hoyrt og sæð.

CARLOS GARCIA CUESTA

hevur UEFA Pro venjara-lisens og er bachelor í ítróttarvísindum. Hann er í føstum venjarastarvi hjá Atlético Mad­rid. Hann er høvuðsvenjari hjá U13-liðnum og hjálparvenjari hjá U18-liðnum. Umframt at spæla landskappingar­dystir, so luttaka liðini nógv í smáum, altjóða kappingum. Millum jólanna var U13-liðið við í altjóða kapping og gjørdist nummar trý eftir at hava tapt eftir brotssparkakapping fyri Barcelona í hálvfinaluni. Onnur lið í kappingini vóru t.d. Real Madríd, Valencia, Juventus, PSG, Internazionale Milan og Borussia Dortmund.

Skeiðið verður hildið sunnudagin 25. februar í B36-húsinum og á niðara vølli í Gundadali frá kl. 13.00 til kl. 17.30. Áhugað kunnu ringja 59 00 30 ella skriva til olavurwaag@gmail.com

© Sandportal - Sandoyarportalurin
Aftur