Innrita

Áseyðatalið ov stórt

Heimatíðindi

Áseyðatalið ov stórt

Innlagt av Redaktiónini    tann: 13.02.2018  



Onnur Tíðindi

- Tað sigur Høgni Hoydal, landsstýrismaður í búnaðarmálum, sum vil minka um áseyðatal. Hann veit tó ikki, hvussu tað skal gerast.

Føroyar eru kendar fyri at hava fleiri seyðir enn fólk, skrivar kvf.fo

Í dag er áseyðatalið umleið 70.000 - tað heldur Búnaðargrunnurin vera alt  ov nógv. Og Høgni Hoydal, landsstýrismaður í búnaðarmálum er samdur.

Gunnar Bjarnason, landbúnaðarfrøðingur í búnaðargrunninum, væntar, at í minsta lagi fimm túsund lomb og vaksnir seyðir doyggja í haganum hvørt ár, og at høga áseyðatalið er orsøkin.

Bóndin Rói M. Absolonsen á Viðareiði heldur at talið ljóðar høgt, meðan Pætur Bærentsen, bóndi í Kaldbaksbotni, heldur talið er ov lágt sett.

Í Vinnumálaráðnum viðurkennir Joanna Djurhuus, sum hevur sitið við nýggjari djóraverndarlóggávu, at tað er torført at skipa seyðahaldið, tá ið vitanin er so avmarkað.

Og nú heldur Høgni Hoydal, landsstýrismaður í búnaðarmálum, eisini, at neyvari tøl mugu útvegast.

Landbúnaðarstevna var í Klaksvík leygardagin, har landsstýrismaðurin legði fram 10 ítøkilig mál fyri landbúnaðin. Eitt av teimum skal vera við til at minka um deyðstíttleikan hjá føroyska seyðinum.

Kelda: kvf.fo

© Sandportal - Sandoyarportalurin
Aftur